വിദേശനിക്ഷേപത്തിന് പൂര്ണ ആഭിമുഖ്യവും പ്രഖ്യാപിക്കുന്ന റെയില്വെ ബജറ്റില് ഒമ്പത് അതിവേഗ തീവണ്ടികളും ഒരു ബുള്ളറ്റ് ട്രെയിനും പ്രധാന പദ്ധതികളായി ഇടംപിടിച്ചു. മുംബൈ-അഹമ്മദബാദ് റൂട്ടിലായിരിക്കും രാജ്യത്ത് ആദ്യമായി ബുള്ളറ്റ് ട്രെയിന് ഓടുകയെന്ന് റെയില്വെ മന്ത്രി സദാനന്ദഗൗഡ മോദി സര്ക്കാരിന്റെ പ്രഥമ ബജറ്റ് അവതരിപ്പിച്ചുകൊണ്ട് പറഞ്ഞു.
റെയില്വയുടെ വരുമാനത്തില് നിലവില് ഒരു രൂപയില് 94 പൈസയും ചിലവ് വേണ്ടിവരുന്നസ്ഥിതിയാണുള്ളതെന്ന് സദാനന്ദഗൗഡ പറഞ്ഞു. ഒരു രൂപയില് ആറ് പൈസ മാത്രം മിച്ചം കിട്ടി ഇങ്ങനെ മുന്നോട്ട് പോകാനാകില്ല. നിരക്ക് വര്ധനയിലൂടെയും പ്രശ്നം പരിഹരിക്കപ്പെടില്ല. അതിനാല് പൊതുസ്വകാര്യ പങ്കാളിത്തം പ്രോത്സാഹിപ്പിക്കും. റെയില്വയുടെ നടത്തിപ്പില് ഒഴികെ എല്ലാ മേഖലയിലും നേരിട്ടുള്ള വിദേശനിക്ഷേപം കൊണ്ടുവരും. ഇതിന് മന്ത്രിസഭയുടെ അനുമതി തേടും.
ഡല്ഹി-ആഗ്ര, ഡല്ഹി-ചണ്ഡിഗഢ്, ഡല്ഹി-കാണ്പൂര്, നാഗ്പൂര്-ബിലാസ്പൂര്, ഗോവ-മുംബൈ, മൈസൂര്-ബാംഗ്ലൂര്-ചെന്നൈ, ചെന്നൈ-ഹൈദരബാദ്, മുംബൈ-അഹമ്മദബാദ്, നാഗ്പൂര്-സെക്കന്തരബാദ് എന്നീ പാതകളിലാണ് അതിവേഗ ട്രെയിന് പ്രഖ്യാപിച്ചത്. ഇതിനായി 100 കോടി രൂപയാണ് ബജറ്റില് നീക്കിവെച്ചിരിക്കുന്നത്.
പുതിയ തീവണ്ടികള് പ്രഖ്യാപിച്ചതില് ഒരേയൊരു പാസഞ്ചര് തീവണ്ടി മാത്രമാണ് കേരളത്തിന് ആകെ കിട്ടിയത്. 18 പുതിയ പാതയ്ക്ക് സര്വെ നടത്തുമെന്ന് പ്രഖ്യാപിച്ചതില് കാഞ്ഞങ്ങാട്-പാണത്തൂര്-കാണിയൂര് പാതയുടെ സര്വയുമാണ് കേരളത്തിന് ശേഷിക്കുന്നത്.
No comments:
Post a Comment