ഇന്ന് ലോക ജനസംഖ്യാ ദിനം

ഇന്ന് ലോക ജനസംഖ്യാ ദിനം . യുവ ജനതയ്ക്കായി നിക്ഷേപം എന്നതാണ് ഈ വർഷത്തെ സന്ദേശം . ലോക ജനസംഖ്യ 700 കോടിയോളമെന്നാണ് കണക്കുകൾ സൂചിപ്പിക്കുന്നത് . 1987 ജൂലൈ 11 ന് ലോക ജനസംഖ്യ അഞ്ഞൂറു കോടി തികഞ്ഞു എന്ന നിഗമനത്തിന്റെ അടിസ്ഥാനത്തിലാണ് ജൂലൈ 11 ലോക ജനസംഖ്യാ ദിനമായി ആചരിക്കുന്നത് .
180 കോടി വരുന്ന യുവജനതയെ ഭാവിയിൽ വരാൻ പോകുന്ന പ്രതിസന്ധികൾ തരണം ചെയ്യാൻ പ്രാപ്തരാക്കുക എന്ന ലക്ഷ്യവും ഈ വർഷത്തെ ദിനാചരണത്തിന്റെ ഭാഗമായുണ്ട് . ലോക ജനതയുടെ 54 ശതമാനം വസിക്കുന്നത് നഗരങ്ങളിലാണ് . ഏറ്റവും കൂടുതൽ നഗരവത്കരണം നടക്കാൻ പോകുന്നത് ഇന്ത്യയിലും ചൈനയിലും നൈജീരിയയിലുമാണെന്ന് പഠനങ്ങൾ സൂചിപ്പിക്കുന്നു . ലോകത്തെ വലിയ നഗരങ്ങളിൽ ഏറ്റവും കൂടുതൽ ജനസാന്ദ്രതയുള്ളത് ടോക്കിയോയിലാണ്. രണ്ടാം സ്ഥാനത്ത് ന്യൂദൽഹിയും മൂന്നാമത് ഷാങ് ഹായിയുമാണ്.